Ir-rati ċentrali ta’ l-euro u r-rati ta’ l-intervent obbligatorju fl-ERM ii

Wara d-deċiżjonijiet meħuda fid-29 ta’ April 2005 (ara l-communiqué ta’ l-Unjoni Ewropea ta’ l-istess data) dwar ir-rati ċentrali ta’ l-euro fl-ERM II għall-lira Ċiprijotta, il-lats Latvjan, u l-lira Maltija, ġew stabbiliti r-rati ta’ l-intervent obbligatorju għal dawn il-muniti b’effett mill-2 ta’ Mejju 2005. Dawn huma stipulati fit-tabella hawn taħt.

Sar ftehim komuni fuq ir-rati ta’ l-intervent obbligatorju bejn il-Bank Ċentrali Ewropew u s-Central Bank of Cyprus, il-Latvijas Banka u l-Bank Ċentrali ta' Malta, skond l-Artikolu 1.2 tal-Ftehim ta’ l-1 ta’ Settembru 1998 bejn il-Bank Ċentrali Ewropew u l-banek ċentrali nazzjonali ta’ l-Istati Membri barra ż-żona ta’ l-euro li jistabbilixxi l-proċeduri għal tħaddim ta’ mekkaniżmu tar-rata tal-kambju fit-tielet fażi ta’ l-Unjoni Ekonomika u Monetarja (ĠU C 345, 13.11.1998, p.6), kif l-aħħar emendat bil-Ftehim tas-16 ta’ Settembru 2004 (ĠU C 281, 18.11.2004, p. 3).

Ir-rati ċentrali ta’ l-euro u r-rati ta’ l-intervent obbligatorju għall-krone Daniż, il-kroon Estonjan, il-litas Litwana u t-tolar Sloven jibqgħu l-istess.