Ráiteas inrochtaineachta

Is le hábhar a fhoilsítear ar an bhfearann seo a leanas a bhaineann an ráiteas seo:

https://www.ecb.europa.eu/home/html/index.ga.html 

Ní bhaineann sé le hábhar ná le suíomhanna gréasáin eile a fhoilsítear ar aon fhofhearann eile. Beidh a ráiteas inrochtaineachta sonrach féin ag na suíomhanna gréasáin agus ag a gcuid inneachair.

Is é an Banc Ceannais Eorpach a bhainistíonn an suíomh gréasáin seo. Tá sé deartha lena úsáid ag an oiread daoine agus is féidir, daoine faoi mhíchumas ina measc.

Ba cheart go mbeifeá in ann an méid seo a leanas a dhéanamh:

• Zúmáil suas le 200% gan aon fhadhb
• Nascleanúint a dhéanamh ar an gcuid is mó den suíomh gréasáin gan ach méarchlár a úsáid
• Nascleanúint a dhéanamh ar an gcuid is mó den suíomh gréasáin trí úsáid a bhaint as léitheoir scáileáin nua-aimseartha agus bogearraí aitheantais urlabhra (ar do ríomhaire nó ar do ghuthán)

Tá an suíomh gréasáin seo deartha chun cloí le leibhéal ‘AA’ de na Treoirlínte maidir le hInrochtaineacht Ábhair ar an nGréasán (WCAG) leagan 2.2.

1. Stádas comhlíontachta

Tá an suíomh gréasáin seo i gcomhréir go páirteach leis na Treoirlínte maidir le hInrochtaineacht Ábhair ar an nGréasán (WCAG) 2.2 Leibhéal AA. Féach ar ‘ábhar neamh-inrochtana’ thíos chun tuilleadh sonraí a fháil.

Rinneadh an suíomh gréasáin a thástáil go deireanach i mí an Mhárta 2024.

2. Ullmhúchán an ráitis seo

Ullmhaíodh an ráiteas seo an 28 Márta 2024.

Tá an ráiteas bunaithe ar athbhreithniú a rinne Test Partners Ltd ar shampla ionadaíoch de leathanaigh ghréasáin, agus úsáid á baint as meascán de thástáil láimhe agus tástáil uathoibrithe chuige sin. Ina theannta sin, rinneadh tástáil ar an suíomh gréasáin trí úsáid a bhaint as teicneolaíochtaí cúnta éagsúla, agus le roinnt daoine den phobal a bhfuil riachtanais inrochtaineachta acu.

3. Aiseolas

Fáiltímid roimh aiseolas uait maidir le hinrochtaineacht ar shuíomh gréasáin an Bhainc Cheannais Eorpaigh. Cuir in iúl dúinn é má thagann tú ar bhaic inrochtaineachta:

Ríomhphost: webmaster@ecb.europa.eu

Déanaimid iarracht freagra a thabhairt ar aiseolas laistigh de 1-3 lá gnó ón dáta a fhaightear an fiosrúchán.

4. Comhoiriúnacht le brabhsálaithe agus teicneolaíocht chúnta

Tá suíomh gréasáin an Bhainc Cheannais Eorpaigh deartha le bheith comhoiriúnach leis na teicneolaíochtaí cúnta seo a leanas:

• an leagan is déanaí de na brabhsálaithe Microsoft Edge, Google Chrome, Mozilla Firefox agus Apple Safari.
• in éineacht leis na leaganacha is déanaí de JAWS, NVDA, VoiceOver ar iOS agus TalkBack.

5. Sonraíochtaí teicniúla

Braitheann inrochtaineacht ar shuíomh gréasáin an Bhainc Cheannais Eorpaigh ar na teicneolaíochtaí seo a leanas chun oibriú leis an meascán ar leith de bhrabhsálaí gréasáin agus d’aon teicneolaíochtaí cúnta nó breiseáin atá suiteáilte ar do ríomhaire:

• HTML
• WAI-ARIA
• CSS
• JavaScript

6. Ábhar neamh-inrochtana

In ainneoin na n-iarrachtaí is fearr atá déanta againn chun inrochtaineacht ar shuíomh gréasáin an Bhainc Cheannais Eorpaigh a chinntiú, táimid ar an eolas faoi roinnt lochtanna agus táimid ag obair chun iad a réiteach. Anseo thíos tá cur síos ar na lochtanna atá ar eolas againn agus ar na réitigh a d’fhéadfadh a bheith orthu. Déan teagmháil linn má thagann tú ar fhadhb nach bhfuil liostaithe thíos.

7. Na lochtanna a cuireadh ar ár súile dúinn maidir le suíomh gréasáin an Bhainc Cheannais Eorpaigh

1. Íomhánna: Níl malartaí téacs ag roinnt íomhánna, deilbhíní, graif agus rialuithe le carachtair gan téacs.
2. Tras-scríbhinní: níl tras-scríbhinn ag cuid dár n-ábhar físe agus fuaime ar fáil.
3. Fotheidil físe agus tráchtaireacht fuaime: Níl fotheidil ag cuid dár bhfíseáin nó, más gá, tráchtaireacht fuaime. Táimid ag obair go leanúnach chun iad a chur le níos mó físeáin.
4. Ceannteidil: Ní leanann roinnt ceannteideal ordlathas na gceannteideal i gceart, rud a d’fhéadfadh fadhbanna a chruthú d’úsáideoirí léitheoirí scáileáin. Ba chóir go mbeadh roinnt eilimintí téacs nach bhfuil clibeanna ceannteidil acu faoi láthair, i gclibeanna ceannteidil.
5. Ceannteidil tábla: Tá ceannteidil tábla agus tréithe raon feidhme in easnamh ar líon teoranta táblaí sonraí. D’fhéadfadh sé go mbeadh sé níos deacra d’úsáideoirí bhogearraí léitheora scáileáin iad a thuiscint dá bharr.
6. Faisnéis agus baint: Níl dóthain faisnéise séimeantaí ag roinnt rialuithe chun a gcuspóir a chur in iúl go soiléir d’úsáideoirí bhogearraí léitheora scáileáin.
7. Ord léitheoireachta: I gcás ina bhfuil cur síos i ngrianghraf ar an ngrianghrafadóir, tagann an cur síos roimh an rialú chun é a thaispeáint san ord léitheoireachta. D’fhéadfadh sé seo mearbhall a chur ar úsáideoirí bhogearraí léitheora scáileáin.
8. Úsáid datha: Ní féidir idirdhealú a dhéanamh idir naisc agus an téacs mórthimpeall ach amháin de réir datha. Ar an gcaoi chéanna, ní féidir idirdhealú a dhéanamh ar roinnt de na pointí sonraí i ngraif óna chéile, ach amháin de réir datha. D’fhéadfadh sé seo go mbeadh sé deacair naisc a aimsiú nó graif a thuiscint d’úsáideoirí lagamhairc.
9. Inoibritheacht an mhéarchláir: Níl roinnt rialuithe inoibrithe d’úsáideoirí méarchláir amháin ná d’úsáideoirí bhogearraí léitheora scáileáin.
10. Blaic sheach-chonaire: Níl sásra ag leathanaigh chun an phríomh-nascleanúint a sheachaint. Níor cheart go gcuirfeadh sé sin cosc ar úsáideoirí méarchláir amháin ná ar úsáideoirí bhogearraí léitheora scáileáin leathanaigh a nascleanúint. Moltar d’úsáideoirí bhogearraí léitheora scáileáin cur chuige malartach a úsáid, amhail an t-aicearra méarchláir chun léim chuig an chéad cheannteideal.
11. Cuspóir an naisc: Níl comhthéacs leordhóthanach ag roinnt nasc chun brí fhollasach a bheith leo, rud a d’fhéadfadh mearbhall a chur ar úsáideoirí bhogearraí léitheora scáileáin.
12. Cuardach: Sa chuardach ar an suíomh gréasáin, agus in uirlisí cuardaigh eile a úsáidtear chun torthaí a scagadh, déantar na torthaí a nuashonrú tar éis gach eochairbhrú.
13. Ról agus staid: Ní chuirtear an ról de roinnt rialuithe in iúl i gceart d’úsáideoirí bhogearraí léitheora scáileáin, mar sin níl sé soiléir an bhfuil siad le haghaidh feidhmiúlachta nó nascleanúna. Ní chuirtear an cuspóir agus an staid de roinnt rialuithe in iúl d’úsáideoirí bhogearraí léitheora scáileáin, mar sin d’fhéadfadh sé nach mbeadh sé soiléir cad a dhéanann na rialuithe sin, nó an n-oibríonn siad.
14. Codarsnacht: d'fhéadfadh sé go mbeadh sé deacair d’úsáideoirí lagamhairc eilimintí a léamh mar gheall ar theaglamaí de dhath téacs agus a ndath cúlra.
15. Zúmáil: D’fhéadfadh ábhar ar líon beag leathanach a bheith bearrtha nó imithe tar éis zúmáil 200% a shocrú sa bhrabhsálaí.
16. Athshreabh: Nuair a dhéantar zúmáil ar líon beag leathanach chun ábhar a athshreabhadh i gcolún amháin, d’fhéadfadh roinnt ábhar a bheith bearrtha nó imithe mar thoradh de seo.
17. Codarsnacht neamhthéacs: I gcairteacha, d’fhéadfadh sé go mbeadh sé deacair ar roinnt úsáideoirí lagamhairc pointí sonraí a bhrath, nó a idirdhealú óna chéile mar gheall ar an gcodarsnacht.
18. Uirlis 360 céim: Ar leathanach na hAinmníochta, tugann uirlis 360 céim deis d’úsáideoirí amharc ar nótaí Euro ó aon uillinn. Níl an uirlis seo inoibrithe ar mhéarchlár.
19. Fógraí: déanann roinnt comhpháirteanna athruithe amhairc ar leathanach, ach ní fhaigheann úsáideoirí bhogearraí léitheora scáileáin fógra cóibhéiseach.

Geallann an Banc Ceannais Eorpach go réiteoidh sé na saincheisteanna inrochtaineachta a léirítear sa tuarascáil iniúchóireachta ar Inrochtaineacht faoi dheireadh na bliana 2025.