Deċiżjonijiet tal-Politika Monetarja
Fil-laqgħa tal-lum li saret fi Vjenna, il-Kunsill Governattiv tal-Bank Ċentrali Ewropew (BĊE) ħa d-deċiżjoni li r-rata tal-imgħax tal-operazzjonijiet ewlenin ta’ rifinanzjament u r-rati tal-imgħax tal-faċilità tas-self marġinali u l-faċilità tad-depożitu jibqgħu l-istess, jiġifieri 0.00%, 0.25% u -0.40% rispettivament.
Għal dawk li huma miżuri straordinarji tal-politika monetarja, fit-8 ta’ Ġunju l-Eurosistema se tibda tagħmel akkwisti fil-programm tagħha ta’ xiri mis-settur korporattiv (CSPP). Barra minn hekk, fit-22 ta’ Ġunju, l-Eurosistema se tmexxi l-ewwel operazzjoni fis-sensiela ġdida ta’ operazzjonijiet speċifiċi ta’ rifinanzjament għal żmien itwal (TLTRO II). Iżjed tagħrif fuq l-aspetti tal-implimentazzjoni tas-CSPP se jidher fil-websajt tal-BĊE wara l-konferenza stampa.
Il-President tal-BĊE se jagħti l-fehmiet tiegħu dwar ir-raġunijiet li wasslu għal dawn id-deċiżjonijiet f’konferenza stampa li għandha tibda fis-14:30 CET illum.
Għall-kliem eżatt miftiehem mill-Kunsill Governattiv, jekk jogħġbok ara l-verżjoni bl-Ingliż.
Bank Ċentrali Ewropew
Direttorat Ġenerali Komunikazzjoni
- Sonnemannstrasse 20
- 60314 Frankfurt am Main, il-Ġermanja
- +49 69 1344 7455
- media@ecb.europa.eu
Ir-riproduzzjoni hija permessa sakemm jissemma s-sors.
Kuntatti għall-midja