Skedi tal-Laqgħat tal-Kunsill Governattiv u l-Kunsill Ġenerali tal-BĊE fl-2012 u l-2013
Il-Kunsill Governattiv tal-Bank Ċentrali Ewropew (BĊE) iddeċieda li fis-snin 2012 u 2013, il-laqgħat tiegħu, bħala regola ġenerali, se jibqgħu jsiru darbtejn fix-xahar, nhar ta’ Ħamis. Hemm eċċezzjonijiet għal din ir-regola minħabba okkażjonijiet ta’ vaganzi speċjali u biex tiġi żgurata sekwenza effiċjenti ta’ laqgħat meta l-laqgħat tal-Kunsill Governattiv u l-Kunsill Ġenerali jaħbtu fl-istess ġimgħa bħal-laqgħat tal-Bord Ġenerali tal-Bord Ewropew dwar ir-Riskju Sistemiku (BERS).
Bħala regola, il-Kunsill Governattiv se jkompli jivvaluta l-orjentament tal-politika monetarja għaż-żona tal-euro biss fl-ewwel laqgħa tax-xahar. Għalhekk, id-deċiżjonijiet dwar ir-rati ewlenin tal-imgħax tal-BĊE normalment jittieħdu waqt din il-laqgħa. Kull meta jiltaqa’ għat-tieni darba fl-istess xahar, il-Kunsill Governattiv jiddiskuti kwistjonijiet relatati ma’ dmirijiet u responsabbiltajiet tal-BĊE u tal-Eurosistema. Naturalment, jekk ikun meħtieġ, il-Kunsill Governattiv jista’ jivvaluta l-orjentament dwar il-politika monetarja u jiddeċiedi li jbiddel ir-rati ewlenin tal-imgħax tal-BĊE fi kwalunkwe ħin, irrispettivament minn meta jsiru l-laqgħat skedati minn qabel. L-iskeda tal-laqgħat tal-Kunsill Governattiv għall-2012 u l-2013 tqis ukoll il-fatt li l-perjodi taż-żamma tar-riżervi jibdew fil-jum tal-ħlas tal-operazzjoni ewlenija ta’ rifinanzjament li jiġi wara l-laqgħa tal-Kunsill Governattiv li fiha tkun skedata l-valutazzjoni ta’ kull xahar tal-orjentament tal-politika monetarja.
Skont il-prattika stabbilita, żewġ laqgħat tal-Kunsill Governattiv se jerġgħu jsiru barra minn Frankfurt, kemm fl-2012 kif ukoll fl-2013. Fl-2012, l-ewwel waħda, fit-3 ta’ Mejju, se tkun ospitata mill-Banco de España u t-tieni waħda, fl-4 ta’ Ottubru, se tkun ospitata mill-Banka Slovenije. Fl-2013, l-ewwel waħda, fit-2 ta’ Mejju, se tkun ospitata min-Národná banka Slovenska u t-tieni waħda, fit-2 ta’ Ottubru, se tkun ospitata mill-Banque de France.
Il-Kunsill Ġenerali tal-BĊE se jkompli jiltaqa’ kull tliet xhur. Ġie deċiż li kull meta laqgħa tal-Kunsill Ġenerali taħbat ma’ laqgħa tal-Kunsill Governattiv, il-laqgħa tal-Kunsill Governattiv issir l-Erbgħa wara nofsinhar waqt li l-laqgħa tal-Kunsill Ġenerali ssir il-Ħamis filgħodu.
Fl-aħħarnett, se tinżamm is-sistema attwali għall-konferenzi stampa regolari tal-BĊE, jiġifieri dawn isiru wara l-ewwel laqgħa tax-xahar tal-Kunsill Governattiv.
Laqgħat tal-Kunsill Governattiv tal-BĊE fl-2012
12 ta’ Jannar 2012
26 ta’ Jannar 2012
9 ta’ Frar 2012
23 ta’ Frar 2012
8 ta’ Marzu 2012
21 ta’ Marzu 2012
4 ta’ April 2012
19 ta’ April 2012
3 ta’ Mejju 2012 (ospitata mill-Banco de España)
16 ta’ Mejju 2012
6 ta’ Ġunju 2012
20 ta’ Ġunju 2012
5 ta’ Lulju 2012
19 ta’ Lulju 2012
2 ta’ Awwissu 2012
6 ta' Settembru 2012
19 ta’ Settembru 2012
4 ta’ Ottubru 2012 (ospitata mill-Banka Slovenije)
18 ta’ Ottubru 2012
8 ta’ Novembru 2012
22 ta’ Novembru 2012
6 ta’ Diċembru 2012
19 ta’ Diċembru 2012
Laqgħat tal-Kunsill Ġenerali tal-BĊE fl-2012
22 ta’ Marzu 2012
21 ta’ Ġunju 2012
20 ta’ Settembru 2012
20 ta’ Diċembru 2012
Konferenzi stampa fl-2012
12 ta’ Jannar 2012
9 ta’ Frar 2012
8 ta’ Marzu 2012
4 ta’ April 2012
3 ta’ Mejju 2012 (ospitata mill-Banco de España)
6 ta’ Ġunju 2012
5 ta’ Lulju 2012
2 ta’ Awwissu 2012
6 ta’ Settembru 2012
4 ta’ Ottubru 2012 (ospitata mill-Banka Slovenije)
8 ta’ Novembru 2012
6 ta’ Diċembru 2012
Laqgħat tal-Kunsill Governattiv tal-BĊE fl-2013
10 ta’ Jannar 2013
24 ta’ Jannar 2013
7 ta’ Frar 2013
21 ta’ Frar 2013
7 ta’ Marzu 2013
20 ta’ Marzu 2013
4 ta’ April 2013
18 ta’ April 2013
2 ta’ Mejju 2013 (ospitata min-Národná banka Slovenska)
16 ta’ Mejju 2013
6 ta’ Ġunju 2013
19 ta’ Ġunju 2013
4 ta’ Lulju 2013
18 ta’ Lulju 2013
1 ta’ Awwissu 2013
5 ta’ Settembru 2013
18 ta’ Settembru 2013
2 ta’ Ottubru 2013 (ospitata mill-Banque de France)
17 ta’ Ottubru 2013
7 ta’ Novembru 2013
21 ta’ Novembru 2013
5 ta’ Diċembru 2013
18 ta’ Diċembru 2013
9 ta’ Jannar 2014
Laqgħat tal-Kunsill Ġenerali tal-BĊE fl-2013
21 ta’ Marzu 2013
20 ta’ Ġunju 2013
19 ta’ Settembru 2013
19 ta’ Diċembru 2013
Konferenzi stampa fl-2013
10 ta’ Jannar 2013
7 ta’ Frar 2013
7 ta’ Marzu 2013
4 ta’ April 2013
2 ta’ Mejju 2013 (ospitata min-Národná banka Slovenska)
6 ta’ Ġunju 2013
4 ta’ Lulju 2013
1 ta’ Awwissu 2013
5 ta’ Settembru 2013
2 ta’ Ottubru 2013 (ospitata mill-Banque de France)
7 ta’ Novembru 2013
5 ta’ Diċembru 2013
9 ta’ Jannar 2014
Bank Ċentrali Ewropew
Direttorat Ġenerali Komunikazzjoni
- Sonnemannstrasse 20
- 60314 Frankfurt am Main, il-Ġermanja
- +49 69 1344 7455
- media@ecb.europa.eu
Ir-riproduzzjoni hija permessa sakemm jissemma s-sors.
Kuntatti għall-midja