Aġġustamenti fl-iskema għas-sottoskrizzjoni tal-kapital tal-BĊE u l-kontribut imħallas mis-Slovakja
Il-Bank Ċentrali Ewropew (BĊE) illum qed iħabbar l-aġġustamenti fl-iskema tal-kapital tiegħu u l-kontribut imħallas mill-banek ċentrali nazzjonali (BĊN).
Skond l-Artikolu 29 tal-Protokoll dwar l-Istatut tas-Sistema Ewropea ta’ Banek Ċentrali u tal-Bank Ċentrali Ewropew, l-ishma tal-BĊN fl-iskema kapitali tal-BĊE huma ppeżati skond l-ishma tal-Istati Membri rispettivi fit-total tal-popolazzjoni u tal-prodott domestiku gross tal-Unjoni Ewropea (UE), fi proporzjon ugwali, kif notifikat lill-BĊE mill-Kummissjoni Ewropea. L-ippeżar jiġi aġġustat kull ħames snin jew meta xi pajjiż jissieħeb fl-UE. Għalhekk, fl-1 ta’ Jannar 2009 l-iskema tal-kapital tal-BĊE qed tiġi aġġustata skond ir-regola dwar l-aġġornament ta’ kull ħames snin, abbażi tad-dejta pprovduta mill-Kummissjoni Ewropea. F’każ bħal dan, il-BĊN jittrasferixxu ishma tal-kapital bejniethom safejn ikun meħtieġ biex jiġi żgurat li d-distribuzzjoni tal-ishma tikkorrispondi mal-iskema aġġustata. Id-distribuzzjoni l-ġdida tal-ishma tal-BĊN fl-iskema tal-kapital tal-BĊE hi stabbilita f’tabella mehmuża ma’ din l-istqarrija għall-istampa. L-ammont totali tal-kapital sottoskritt tal-BĊE jibqa’ kif kien, jiġifieri EUR 5,760,652,402.58.
Barra dan, illum, l-1 ta’ Jannar 2009, is-Slovakja adottat l-euro u n-Národná banka Slovenska ssieħbet mal-Eurosistema. Skond l-Artikolu 49 tal-Istatut, il-BĊN tal-Eurosistema għandhom iħallsu l-kapital sottoskritt tagħhom kollu; għalhekk, in-Národná banka Slovenska ħallas il-bqija tal-kontribut tiegħu għall-kapital tal-BĊE. Fil-każ tal-11-il BĊN barra ż-żona tal-euro, ir-rekwiżit hu li jħallsu perċentwal minimu tal-kapital sottoskritt tagħhom, bħalissa 7%, bħala kontribut għall-ispejjeż operattivi tal-BĊE.
Id-Deċiżjonijiet rilevanti tal-BĊE huma disponibbli fuq il-website tal-BĊE u se jiġu ppubblikati fil-Ġurnal Uffiċjali tal-Unjoni Ewropea fi żmien xieraq.
L-iskema għas-sottoskrizzjoni tal-kapital tal-BĊE
| L-iskema għas-sottoskrizzjoni tal-kapital tal-BĊE (%) | Is-sehem tal-kapital sottoskritt (EUR) | Kapital imħallas (EUR) | ||
|---|---|---|---|---|
| Sal-31 ta’ Diċembru 2008 | mill-1 ta’ Jannar 2009 | mill-1 ta’ Jannar 2009 | mill-1 ta’ Jannar 2009 | |
| Nationale Bank van België/ Banque Nationale de Belgique |
2.4708 | 2.4256 | 139,730,384.68 | 139,730,384.68 |
| Deutsche Bundesbank | 20.5211 | 18.9373 | 1,090,912,027.43 | 1,090,912,027.43 |
| Central Bank and Financial Services Authority of Ireland | 0.8885 | 1.1107 | 63,983,566.24 | 63,983,566.24 |
| Bank of Greece | 1.8168 | 1.9649 | 113,191,059.06 | 113,191,059.06 |
| Banco de España | 7.5498 | 8.3040 | 478,364,575.51 | 478,364,575.51 |
| Banque de France | 14.3875 | 14.2212 | 819,233,899.48 | 819,233,899.48 |
| Banca d’Italia | 12.5297 | 12.4966 | 719,885,688.14 | 719,885,688.14 |
| Central Bank of Cyprus | 0.1249 | 0.1369 | 7,886,333.14 | 7,886,333.14 |
| Banque centrale du Luxembourg | 0.1575 | 0.1747 | 10,063,859.75 | 10,063,859.75 |
| Bank Ċentrali ta’ Malta | 0.0622 | 0.0632 | 3,640,732.32 | 3,640,732.32 |
| De Nederlandsche Bank | 3.8937 | 3.9882 | 229,746,339.12 | 229,746,339.12 |
| Oesterreichische Nationalbank | 2.0159 | 1.9417 | 111,854,587.70 | 111,854,587.70 |
| Banco de Portugal | 1.7137 | 1.7504 | 100,834,459.65 | 100,834,459.65 |
| Banka Slovenije | 0.3194 | 0.3288 | 18,941,025.10 | 18,941,025.10 |
| Národná banka Slovenska | - | 0.6934 | 39,944,363.76 | 39,944,363.76 |
| Suomen Pankki - Finlands Bank | 1.2448 | 1.2539 | 72,232,820.48 | 72,232,820.48 |
| Subtotal għall-grupp tal-BĊN taż-żona tal-euro | 69.6963 | 69.7915 | 4,020,445,721.56 | 4,020,445,721.56 |
| Българска народна банка (Bulgarian National Bank) | 0.8833 | 0.8686 | 50,037,026.77 | 3,502,591.87 |
| Česká národní banka | 1.3880 | 1.4472 | 83,368,161.57 | 5,835,771.31 |
| Danmarks Nationalbank | 1.5138 | 1.4835 | 85,459,278.39 | 5,982,149.49 |
| Eesti Pank | 0.1703 | 0.1790 | 10,311,567.80 | 721,809.75 |
| Latvijas Banka | 0.2813 | 0.2837 | 16,342,970.87 | 1,144,007.96 |
| Lietuvos bankas | 0.4178 | 0.4256 | 24,517,336.63 | 1,716,213.56 |
| Magyar Nemzeti Bank | 1.3141 | 1.3856 | 79,819,599.69 | 5,587,371.98 |
| Narodowy Bank Polski | 4.8748 | 4.8954 | 282,006,977.72 | 19,740,488.44 |
| Banca Naţională a României | 2.5188 | 2.4645 | 141,971,278.46 | 9,937,989.49 |
| Národná banka Slovenska | 0.6765 | - | - | - |
| Sveriges Riksbank | 2.3313 | 2.2582 | 130,087,052.56 | 9,106,093.68 |
| Bank of England | 13.9337 | 14.5172 | 836,285,430.59 | 58,539,980.14 |
| Subtotal għall-grupp tal-BĊN barra ż-żona tal-euro | 30.3037 | 30.2085 | 1,740,206,681.02 | 121,814,467.67 |
| Total* | 100.0000 | 100.0000 | 5,760,652,402.58 | 4,142,260,189.23 |
* Minħabba żieda/tnaqqis sal-eqreb numru sħiħ, jista’ jkun li t-totali ma jikkorrispondux mas-somma tan-numri kollha li jidhru hawn fuq.
Bank Ċentrali Ewropew
Direttorat Ġenerali Komunikazzjoni
- Sonnemannstrasse 20
- 60314 Frankfurt am Main, il-Ġermanja
- +49 69 1344 7455
- media@ecb.europa.eu
Ir-riproduzzjoni hija permessa sakemm jissemma s-sors.
Kuntatti għall-midja