EUR-Lex Aċċess għal-liġi tal-Unjoni Ewropea
Dan id-dokument hu mislut mis-sit web tal-EUR-Lex
Dokument 32015D0017
Decision (EU) 2015/727 of the European Central Bank of 10 April 2015 on the total amount of annual supervisory fees for the first fee period and for 2015 (ECB/2015/17)
Deċiżjoni (UE) 2015/727 tal-Bank Ċentrali Ewropew tal-10 ta' April 2015 dwar l-ammont totali ta' tariffi superviżorji annwali għall-ewwel perijodu tariffarju u għall-2015 (BĊE/2015/17)
Deċiżjoni (UE) 2015/727 tal-Bank Ċentrali Ewropew tal-10 ta' April 2015 dwar l-ammont totali ta' tariffi superviżorji annwali għall-ewwel perijodu tariffarju u għall-2015 (BĊE/2015/17)
ĠU L 115, 6.5.2015, p. 36–38
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
Fis-seħħ
6.5.2015 |
MT |
Il-Ġurnal Uffiċjali tal-Unjoni Ewropea |
L 115/36 |
DEĊIŻJONI (UE) 2015/727 TAL-BANK ĊENTRALI EWROPEW
tal-10 ta' April 2015
dwar l-ammont totali ta' tariffi superviżorji annwali għall-ewwel perijodu tariffarju u għall-2015 (BĊE/2015/17)
Il-Kunsill Governattiv tal-Bank Ċentrali Ewropew,
Wara li kkunsidra r-Regolament (UE) Nru 1163/2014 tal-Bank Ċentrali Ewropea tat-22 ta' Ottubru 2014 dwar it-tariffi superviżorji (BĊE/2014/41) (1), u b'mod partikolari l-Artikolu 9 u l-Artikolu 16(1) tiegħu,
Billi:
(1) |
Il-Bank Ċentrali Ewropew (BĊE) huwa meħtieġ li jiddeċiedi l-ammont totali ta' tariffi superviżorji annwali li għandhom jiġu imposti billi jinħarġu avviżi tariffarji għal kull kategorija ta' entitajiet taħt superviżjoni u gruppi taħt superviżjoni u sabiex din l-informazzjoni tiġi ppubblikata fuq is-sit elettroniku tiegħu sat-30 ta' April tal-perijodu tariffarju relevanti. |
(2) |
L-avviż tariffarju għall-ewwel perijodu tariffarju, jiġifieri Novembru sa Diċembru 2014, għandu jinħareġ flimkien mal-avviż tariffarju għall-perijodu tariffarju tal-2015. L-ammont totali tat-tariffi superviżorji annwali imposti fl-2015 b'hekk għandhom jirriflettu n-nefqa mġarrba mill-BĊE b'rabta mal-kompiti superviżorji tiegħu sa minn Novembru 2014. |
(3) |
Din in-nefqa primarjament tikkonsisti fi spejjeż relatati direttament mal-kompiti superviżorji tal-BĊE, eż. is-superviżjoni ta' entitajiet sinifikanti, is-sorveljanza tas-superviżjoni ta' entitajiet inqas sinifikanti u t-twettiq ta' kompiti orizzontali u servizzi speċjalizzati. Tinkludi wkoll spejjeż relatait indirettament mal-kompiti superviżorji tal-BĊE, eż. servizzi pprovduti mill-oqsma ta' appoġġ tal-BĊE, inklużi binjiet, ġestjoni tar-riżorsi umani u servizzi tat-teknoloġija tal-informazzjoni. |
(4) |
Sabiex tiġi kkalkulata t-tariffa superviżorja annwali pagabbli fir-rigward ta' kull entità taħt superviżjoni jew grupp taħt superviżjoni, l-ispejjeż totali jinqasmu f'żewġ partijiet; entitajiet u gruppi sinifikanti, u entitajiet u gurppi inqas sinifikanti. L-ispejjeż ġew maqsuma fuq il-bażi tan-nefqa allokata għall-funzjonijiet relevanti li jwettqu s-superviżjoni diretta ta' entitajiet sinifikanti taħt superviżjoni u s-superviżjoni indiretta ta' entitajiet inqas sinifikanti taħt superviżjoni. |
(5) |
In-nefqa relatata ma' kompiti ta' superviżjoni bankarja mġarrba mill-BĊE fl-ewwel perijodu tariffarju u li tista' tiġi rkuprata permezz ta' tariffi superviżorji ġiet inkluża fil-Kontijiet Annwali tal-BĊE għall-2014 (2). |
(6) |
In-nefqa annwali stmata għall-perijodu tariffarju 2015 hija dderivata mill-baġit approvat tal-BĊE, waqt li jitqiesu kwalunkwe żviluppi fin-nefqa annwali stmata li għandha tiġi mġarrba mill-BĊE li kienu magħrufa fiż-żmien meta din id-Deċiżjoni ġiet imħejjija, |
ADOTTA DIN ID-DEĊIŻJONI:
Artikolu 1
Definizzjonijiet
Għall-finijiet ta' din id-Deċiżjoni, għandhom japplikaw id-definizzjonijiet li jinsabu fir-Regolament (UE) Nru 468/2014 tal-Bank Ċentrali Ewropew (BĊE/2014/17) (3) u r-Regolament (UE) Nru 1163/2014 (BĊE/2014/41).
Artikolu 2
Ammont totali ta' tariffi superviżorji annwali għall-ewwel perijodu tariffarju u għall-2015
1. L-ammont totali ta' tariffi superviżorji annwali għall-ewwel perijodu tariffarju u għall-2015 għandu jkun EUR 325 986 085, li jikkorrispondi għall-ispejjeż attwali tal-BĊE għal Novembru u Diċembru 2014 u stima tal-ispejjeż annwali tal-BĊE għall-2015 stipulati fl-Anness I ta' din id-Deċiżjoni.
2. Kull kategorija ta' entitajiet taħt superviżjoni u gruppi taħt superviżjoni għandha tħallas l-ammont totali ta' tariffi superviżorji annwali kif stipulat fl-Anness II ta' din id-Deċiżjoni.
Artikolu 3
Dħul fis-seħħ
Din id-Deċiżjoni għandha tidħol fis-seħħ fil-L-Erbgħa, 29 ta' April 2015.
Magħmul fi Frankfurt am Main, l-10 ta' April 2015.
Il-President tal-BĊE
Mario DRAGHI
(1) ĠU L 311, 31.10.2014, p. 23.
(2) Ippubblikata fis-sit elettroniku tal-BĊE li jinsab fuq www.ecb.europa.eu fi Frar 2015.
(3) Ir-Regolament (UE) Nru 468/2014 tal-Bank Ċentrali Ewropew tas-16 ta' April 2014 li jistabbilixxi l-qafas għal kooperazzjoni fi ħdan il-Mekkaniżmu Superviżorju Uniku bejn il-Bank Ċentrali Ewropew u l-awtoritajiet nazzjonali kompetenti u mal-awtoritajiet nazzjonali ddenominati (Regolament Qafas dwar l-MSU) (BĊE/2014/17) (ĠU L 141, 14.5.2014, p. 1).
ANNESS I
(EUR) |
|||
|
2014 |
2015 |
Total |
Salarji u benefiċċji |
18 456 945 |
151 665 635 |
170 122 580 |
Kera u manutenzjoni tal-binjiet |
2 199 243 |
22 563 517 |
24 762 760 |
Nefqa operattiva oħra |
9 316 824 |
121 783 921 |
131 100 745 |
Total |
29 973 012 |
296 013 073 |
325 986 085 |
ANNESS II
(EUR) |
|||
|
2014 |
2015 |
Total |
Tariffi superviżorji |
29 973 012 |
296 013 073 |
325 986 085 |
li minnhom: |
|
|
|
Tariffi imposti fuq entitajiet sinifikanti jew gruppi sinifikanti |
25 622 812 |
264 068 941 |
289 691 753 |
Tariffi imposti fuq entitajiet inqas sinifikanti jew gruppi inqas sinifikanti |
4 350 200 |
31 944 132 |
36 294 332 |