EUR-Lex Aċċess għal-liġi tal-Unjoni Ewropea
Dan id-dokument hu mislut mis-sit web tal-EUR-Lex
Dokument 32020O0634
Guideline (EU) 2020/634 of the European Central Bank of 7 May 2020 amending Guideline ECB/2014/31 on additional temporary measures relating to Eurosystem refinancing operations and eligibility of collateral (ECB/2020/29)
Linja Gwida (UE) 2020/634 tal-Bank Ċentrali Ewropew tas-7 ta’ Mejju 2020 li temenda l-Linja Gwida BĊE/2014/31 dwar miżuri temporanji addizzjonali fir-rigward ta’ operazzjonijiet ta’ rifinanzjament tal-Eurosistema u l-eliġibbiltà tal-kollateral (BĊE/2020/29)
Linja Gwida (UE) 2020/634 tal-Bank Ċentrali Ewropew tas-7 ta’ Mejju 2020 li temenda l-Linja Gwida BĊE/2014/31 dwar miżuri temporanji addizzjonali fir-rigward ta’ operazzjonijiet ta’ rifinanzjament tal-Eurosistema u l-eliġibbiltà tal-kollateral (BĊE/2020/29)
ĠU L 148, 11.5.2020, p. 10–15
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
M’għadux fis-seħħ, Data tat-tmiem tal-validitàà: 29/09/2021
|
11.5.2020 |
MT |
Il-Ġurnal Uffiċjali tal-Unjoni Ewropea |
L 148/10 |
LINJA GWIDA (UE) 2020/634 TAL-BANK ĊENTRALI EWROPEW
tas-7 ta’ Mejju 2020
li temenda l-Linja Gwida BĊE/2014/31 dwar miżuri temporanji addizzjonali fir-rigward ta’ operazzjonijiet ta’ rifinanzjament tal-Eurosistema u l-eliġibbiltà tal-kollateral (BĊE/2020/29)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-ewwel inċiż tal-Artikolu 127(2) tiegħu,
Wara li kkunsidra l-Istatut tas-Sistema Ewropea ta’ Banek Ċentrali u tal-Bank Ċentrali Ewropew, u b’mod partikolari l-ewwel subparagrafu tal-Artikolu 12.1 flimkien mal-ewwel inċiż tal-Artikolu 3.1 u l-Artikolu 18 tiegħu,
Billi:
|
(1) |
Skont l-Artikolu 18.1 tal-Istatut tas-Sistema Ewropea ta' Banek Ċentrali u tal-Bank Ċentrali Ewropew (iktar 'il quddiem l-“Istatut tas-SEBĊ”), il-Bank Ċentrali Ewropew (BĊE) u l-banek ċentrali nazzjonali tal-Istati Membri li l-munita tagħhom hija l-euro (iktar 'il quddiem il-“BĊNi”) jistgħu, sabiex jiksbu l-għanijiet tas-Sistema Ewropea ta’ Banek Ċentrali, iwettqu operazzjonijiet ta’ kreditu ma’ istituzzjonijiet ta’ kreditu u parteċipanti oħrajn fis-suq, bis-self ikun ibbażat fuq kollateral adegwat. Il-kundizzjonijiet ġenerali li taħthom il-BĊE u l-BĊNi jkunu lesti biex jidħlu f’operazzjonijiet ta’ kreditu, inklużi l-kriterji li jiddeterminaw l-eliġibbiltà ta’ kollateral għall-finijiet ta’ operazzjonijiet ta’ kreditu tal-Eurosistema, huma stabbiliti fil-Linja Gwida (UE) 2015/510 tal-Bank Ċentrali Ewropew (BĊE/2014/60) (1). |
|
(2) |
Minbarra l-miżuri tat-tnaqqis tal-kollateral li l-Kunsill Governattiv diġà adotta fis-7 ta' April 2020, fit-22 ta' April 2020 il-Kunsill Governattiv adotta sett kumplimentari ta' deċiżjonijiet b'reazzjoni għall-pandemija tal-COVID-19. Dawn il-miżuri l-ġodda għandhom l-għan li jtaffu l-impatt negattiv fuq id-disponibbiltà ta’ kollateral tal-Eurosistema tad-deklassifikazzjoni potenzjali tal-kreditu li tirriżulta mill-impatt ekonomiku tat-tifqigħa tal-COVID-19. Minbarra l-miżuri adottati fis-7 ta’ April 2020, dawn il-miżuri l-ġodda għandhom l-għan li jiżguraw li l-kontropartijiet tal-Eurosistema jibqgħu kapaċi jżommu u jimmobilizzaw kollateral suffiċjenti sabiex ikunu jistgħu jipparteċipaw f’operazzjonijiet tal-Eurosistema li jipprovdu likwidità, u li għalhekk l-Eurosistema tkun f’pożizzjoni li tappoġġa l-għoti ta’ kreditu lill-ekonomija taż-żona tal-euro. Għaldaqstant, il-parteċipazzjoni f’dawn l-operazzjonijiet b’dan il-kollateral għandha tkun ibbażata fuq kriterji tal-eliġibbiltà għall-kollateral u miżuri ta’ kontroll tar-riskju emendati temporanjament. |
|
(3) |
Dawn il-miżuri ġodda huma proporzjonati biex jilqgħu kontra r-riskji serji għall-istabbiltà tal-prezzijiet, għall-mekkaniżmu ta’ trażmissjoni tal-politika monetarja u għall-prospett ekonomiku fiż-żona tal-euro, maħluqa mit-tifqigħa tal-COVID-19. |
|
(4) |
Fid-dawl ta’ dan ta’ hawn fuq, il-Kunsill Governattiv iqis illi l-Eurosistema tista’ temporanjament tkompli taċċetta bħala kollateral assi negozjabbli u l-emittenti ta’ dawn l-assi li kienu jissodisfaw ir-rekwiżiti minimi tal-kwalità tal-kreditu fis-7 ta’ April 2020 minkejja deterjorament fil-klassifikazzjonijiet tal-kreditu deċiżi mill-aġenziji tal-klassifikazzjoni tal-kreditu aċċettati fl-Eurosistema, sakemm il-klassifikazzjonijiet jibqgħu ogħla minn ċertu livell ta’ kwalità. Fl-istess ħin il-Kunsill Governattiv iqis li dan m’għandux jaffettwa l-kriterji tal-eliġibbiltà għal xiri dirett taħt il-programmi ta’ xiri ta’ assi tal-BĊE. |
|
(5) |
Bil-għan li jiġi żgurat mekkaniżmu xieraq ta' trażmissjoni tal-politika monetarja, u b'kont meħud tal-ħtieġa tal-kontropartijiet tal-Eurosistema li qegħdin, jew ser ikunu qegħdin, jipparteċipaw f'operazzjonijiet ta' forniment ta' likwidità tal-Eurosistema biex iżommu kollateral suffiċjenti għal dawn l-operazzjonijiet, il-Kunsill Governattiv iqis li l-miżuri temporanji addizzjonali stabbiliti f'din il-Linja Gwida għandhom japplikaw sal-ewwel data ta' ripagament bikri taħt it-tielet programm ta' operazzjonijiet ta' rifinanzjament immirati fuq żmien itwal (TLTRO-III). |
|
(6) |
Din il-Linja Gwida għandha tiġi nnotifikata lill-BĊNi kemm jista’ jkun malajr wara l-adozzjoni tagħha sabiex jirreaġixxu fil-pront għas-sitwazzjoni pandemika attwali. |
|
(7) |
Għalhekk, il-Linja Gwida BĊE/2014/31 (2) għandha tiġi emendata f’dan is-sens, |
ADOTTA DIN IL-LINJA GWIDA:
Artikolu 1
Emendi għal-Linja Gwida BĊE/2014/31
Il-Linja Gwida BĊE/2014/31 hija emendata kif ġej:
|
1. |
jiddaħħal l-Artikolu 8b li ġej: “Artikolu 8b L-aċċettazzjoni ta’ ċerti assi negozjabbli u emittenti eliġibbli fis-7 ta’ April 2020 1. It-termini użati f'dan l-Artikolu għandu jkollhom l-istess tifsira bħal fil-Linji Gwida (UE) 2015/510 (BĊE/2014/60). 2. Minkejja d-dispożizzjonijiet tal-Artikolu 59(3), tal-Artikolu 71 u tal-Artikolu 82(1)(a) tal-Linja Gwida (UE) 2015/510 (BĊE/2014/60), assi negozjabbli — għajr titoli ggarantiti b’assi (ABSs) — maħruġa fis-7 ta' April 2020 jew qabel li fis-7 ta' April 2020 kellhom klassifikazzjoni tal-kreditu pubblika, ipprovduta minn tal-inqas sistema ECAI aċċettata waħda, li jkunu kkonformaw mar-rekwiżiti minimi tal-kwalità tal-kreditu tal-Eurosistema, għandhom jikkostitwixxu kollateral eliġibbli għall-operazzjonijiet ta' kreditu tal-Eurosistema sakemm, f'kull ħin wara s-7 ta' April 2020:
Biex jiġi evitat kwalunkwe dubju, il-klassifikazzjoni pubblika tal-kreditu fis-7 ta’ April 2020, kif imsemmija f’dan il-paragrafu, għandha tiġi ddeterminata mill-Eurosistema fuq il-bażi tar-regoli stabbiliti fl-Artikolu 82(1)(a), l-Artikolu 82(2), l-Artikolu 83, l-Artikolu 84(a) u (b), l-Artikolu 85 u l-Artikolu 86 tal-Linja Gwida (UE) 2015/510 (BĊE/2014/60). 3. Fejn il-konformità ta’ assi negozjabbli mar-rekwiżiti minimi tal-kwalità tal-kreditu tal-Eurosistema fis-7 ta’ April 2020 hija ddeterminata fuq il-bażi ta’ klassifikazzjoni ta’ emittent ECAI jew klassifikazzjoni ta’ garanti ECAI pprovduta minn sistema ECAI aċċettata, dak l-assi negozjabbli għandu jikkostitwixxi kollateral eliġibbli għal operazzjonijiet ta’ kreditu tal-Eurosistema sakemm, f’kull ħin wara s-7 ta’ April 2020:
4. Assi negozjabbli — minbarra ABSs — maħruġa wara s-7 ta’ April 2020 u li l-emittent jew garanti tagħhom, kif applikabbli, kellu fis-7 ta’ April 2020 klassifikazzjoni ta’ kreditu pubbliku mogħtija minn tal-anqas sistema ECAI aċċettata waħda, li kienet konformi mar-rekwiżiti minimi tal-kwalità tal-kreditu tal-Eurosistema, għandhom jikkostitwixxu kollateral eliġibbli għal operazzjonijiet ta’ kreditu tal-Eurosistema sakemm, f’kull ħin wara s-7 ta’ April 2020:
Sabiex jiġi evitat kwalunkwe dubju, il-klassifikazzjoni tal-kreditu pubbliku msemmija fil-punt (a) ta’ dan il-paragrafu għandha tiġi ddeterminata mill-Eurosistema fuq il-bażi tar-regoli stabbiliti fl-Artikolu 82(1)(a), l-Artikolu 82(2), l-Artikolu 83, l-Artikolu 84(a) u (b), l-Artikolu 85 u l-Artikolu 86 tal-Linja Gwida (UE) 2015/510 (BĊE/2014/60). 5. Bonds koperti maħruġin wara s-7 ta’ April 2020 taħt programm ta’ bonds koperti li fis-7 ta’ April 2020 stess kellhom valutazzjoni tal-kreditu, ipprovduta minn tal-inqas sistema ECAI aċċettata waħda, li kienet konformi mar-rekwiżiti minimi tal-kwalità tal-kreditu tal-Eurosistema, għandhom jikkostitwixxu kollateral eliġibbli għall-operazzjonijiet ta' kreditu tal-Eurosistema sakemm:
6. L-assi negozjabbli msemmija fl-Artikolu 87(2) tal-Linja Gwida (UE) 2015/510 (BĊE/2014/60) li fis-7 ta' April 2020 ma kellhomx klassifikazzjoni tal-kreditu pubblika pprovduta minn sistema ECAI aċċettata, iżda li fis-7 ta' April 2020 kellhom valutazzjoni tal-kreditu impliċita dderivata mill-Eurosistema skont ir-regoli stabbiliti fl-Artikolu 87(1) u (2) tal-Linja Gwida (UE) 2015/510 (BĊE/2014/60) li kienet konformi mar-rekwiżiti tal-kwalità tal-kreditu tal-Eurosistema, għandhom jikkostitwixxu kollateral eliġibbli għal operazzjonijiet ta’ kreditu tal-Eurosistema irrispettivament mid-data tal-ħruġ tagħhom sakemm, f’kull ħin wara s-7 ta’ April 2020:
7. Minkejja d-dispożizzjonijiet tal-Artikolu 59(3), tal-Artikolu 71 u tal-Artikolu 82(1)(b) tal-Linja Gwida (UE) 2015/510 (BĊE/2014/60), ABSs maħruġin fis-7 ta' April 2020 jew qabel li fis-7 ta' April 2020 kellhom mill-inqas żewġ klassifikazzjonijiet tal-kreditu pubbliċi, kull waħda pprovduta minn sistema ECAI aċċettata differenti, li kienu konformi mar-rekwiżiti minimi tal-kwalità tal-kreditu tal-Eurosistema skont il-Linja Gwida (UE) 2015/510 (BĊE/2014/60), għandhom jikkostitwixxu kollateral eliġibbli għal operazzjonijiet ta' kreditu tal-Eurosistema sakemm, f’kull żmien wara s-7 ta' April 2020:
Sabiex jiġi evitat kwalunkwe dubju, ir-rekwiżiti stabbiliti fl-Artikolu 3(1)(a) sa (d) u l-Artikolu 3(4) ta’ din il-Linja Gwida ma għandhomx japplikaw għall-ABSs imsemmija f’dan il-paragrafu. 8. ABSs li fis-7 ta’ April 2020 ġew aċċettati mill-Eurosistema bħala kollateral eliġibbli taħt l-Artikolu 3(1) ta’ din il-Linja Gwida għandhom jibqgħu eliġibbli sakemm, f’kull żmien wara s-7 ta’ April 2020:
Sabiex jiġi evitat kwalunkwe dubju, l-Artikolu 3(2) u l-Artikolu 3(5) ta' din il-Linja Gwida ma għandhomx japplikaw għall-ABSs imsemmija f'dan il-paragrafu. 9. Sakemm jibqgħu jiġu aċċettati bħala kollateral eliġibbli mill-Eurosistema skont dan l-Artikolu, l-assi negozjabbli, inklużi bonds koperti, imsemmija fil-paragrafi 2 sa 6 għandhom ikunu soġġetti għall-haircuts tal-valutazzjoni stabbiliti fl-Anness IIb għal din il-Linja Gwida. L-ABSs imsemmija fil-paragrafi 7 u 8 għandhom ikunu soġġetti għall-haircuts tal-valutazzjoni stabbiliti fl-Anness IIa għal din il-Linja Gwida. Il-haircuts tal-valutazzjoni għandhom jiġu kkalkulati fuq il-bażi tal-klassifikazzjoni kurrenti applikabbli fi kwalunkwe jum wara s-7 ta' April 2020 skont ir-regoli relatati mal-prijorità tal-valutazzjonijiet ta' kreditu tal-ECAI kif stabbilit fl-Artikoli 83 sa 88 tal-Linja Gwida (UE) 2015/510 (BĊE/2014/60). 10. Minbarra haircuts tal-valutazzjonijiet ipprovduti fil-paragrafu 9, il-haircuts tal-valutazzjonijiet addizzjonali li ġejjin għandhom japplikaw:
11. Sabiex jiġi evitat kwalunkwe dubju, id-dispożizzjonijiet ta' dan l-Artikolu huma indipendenti minn, u m'għandhomx jitqiesu għall-finijiet tal-valutazzjoni tal-eliġibbiltà għal xiri dirett taħt il-programm ta' xiri ta’ assi tas-settur pubbliku minn swieq sekondarji (PSPP) (*1); it-tielet programm ta’ xiri ta’ bonds koperti (CBPP3) (*2), il-programm ta’ xiri ta’ titoli ggarantiti minn assi (ABSPP) (*3); il-programm ta’ xiri mis-settur korporattiv (CSPP) (*4), u l-programm ta’ xiri ta’ emerġenza fil-każ ta’ pandemija (PEPP) (*5). (*1) Id-Deċiżjoni (UE) 2020/188 tal-Bank Ċentrali Ewropew tat-3 ta’ Frar 2020 dwar programm ta' xiri tas-settur pubbliku minn swieq sekondarji (riformulazzjoni) (BĊE/2020/9) (ĠU L 39, 12.2.2020, p. 12)." (*2) Id-Deċiżjoni (UE) 2020/187 tal-Bank Ċentrali Ewropew tat-3 ta’ Frar 2020 dwar l-implimentazzjoni tat-tielet programm ta’ xiri ta’ bonds iggarantiti (BĊE/2020/8),(ĠU L 39, 12.2.2020, p. 6)." (*3) Id-Deċiżjoni (UE) 2015/5 tal-Bank Ċentrali Ewropew tad-19 ta’ Novembru 2014 dwar l-implimentazzjoni tal-programm ta’ xiri ta’ titoli ggarantiti minn assi (BĊE/2014/45) (ĠU L 1, 6.1.2015, p. 4)." (*4) Id-Deċiżjoni (UE) 2016/948 tal-Bank Ċentrali Ewropew tal-1 ta’ Ġunju 2016 dwar l-implimentazzjoni tal-programm ta’ xiri mis-settur korporattiv (BĊE/2016/16) (ĠU L 157, 15.6.2016, p. 28)." (*5) Id-Deċiżjoni (UE) 2020/440 tal-Bank Ċentrali Ewropew tal-24 ta’ Marzu 2020 dwar programm temporanju ta' xiri ta’ emerġenza fil-każ ta’ pandemija (BĊE/2020/17)(ĠU L 91, 25.3.2020, p. 1).”." |
|
2. |
L-Anness IIa huwa ssostitwit b’dan li ġej: “ANNESS IIa Livelli ta’ haircuts tal-valutazzjoni (f’%) applikati għal titoli ggarantiti b’assi (ABS) eliġibbli taħt l-Artikolu 3(2) u l-Artikolu 8b ta' din il-Linja Gwida
|
|
3. |
L-Anness IIb huwa ssostitwit b’dan li ġej: “ANNESS IIb Livelli ta' haircuts tal-valutazzjoni (f’%) applikati għal assi negozjabbli, minbarra ABS, imsemmija fl-Artikoli 8a u 8b
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Artikolu 2
Id-data ta’ referenza li għandha tintuża
Meta jiddeterminaw il-konformità mar-rekwiżiti tal-kwalità tal-kreditu applikabbli għall-emittenti u l-garanti tal-assi msemmija fl-Artikolu 8b(2) sa (8) tal-Linja Gwida BĊE/2014/31, għall-perijodu bejn is-7 ta’ April 2020 u t-18 ta’ Mejju 2020, il-BĊNi għandhom jirreferu għad-data ta’ referenza li hija rilevanti għal dawk l-emittenti u l-garanti tal-assi fis-7 ta’ April 2020, kif ipprovdut mill-BĊE.
Artikolu 3
Dħul fis-seħħ u implimentazzjoni
1. Din il-Linja Gwida għandha tidħol fis-seħħ fil-jum tan-notifika tagħha lill-BĊNi u għandha tibqa’ fis-seħħ sad-29 ta’ Settembru 2021.
2. Il-BĊNi għandhom jieħdu l-miżuri neċessarji biex jikkonformaw mal-Artikolu 1 ta’ din il-Linja Gwida u japplikawhom mit-18 ta' Mejju 2020. Huma għandhom jinnotifikaw lill-BĊE dwar it-testi u l-mezzi relatati ma' dawk il-miżuri sa mhux aktar tard mill-11 ta' Mejju 2020.
3. Il-BĊNi għandhom jikkonformaw mal-Artikolu 2 ta’ din il-Linja Gwida mid-data li fiha tidħol fis-seħħ din il-Linja Gwida.
Artikolu 4
Destinatarji
Din il-Linja Gwida hija indirizzata lill-banek ċentrali kollha tal-Eurosistema.
Magħmul fi Frankfurt am Main, is-7 ta’ Mejju 2020.
Għall-Kunsill Governattiv tal-BĊE
Il-President tal-BĊE
Christine LAGARDE
(1) Linja Gwida (UE) 2015/510 tal-Bank Ċentrali Ewropew tad-19 ta' Diċembru 2014 dwar l-implimentazzjoni tal-qafas tal-politika monetarja tal-Eurosistema (BĊE/2014/60) (ĠU L 91, 2.4.2015, p. 3).
(2) Il-Linja Gwida BĊE/2014/31 tal-Bank Ċentrali Ewropew tad-9 ta’ Lulju 2014 dwar miżuri temporanji addizzjonali fir-rigward ta' operazzjonijiet ta' rifinanzjament tal-Eurosistema u l-eliġibbiltà tal-kollateral u li temenda l-Linja Gwida BĊE/2007/9 (ĠU L 240, 13.8.2014, p. 28).
(*6) jiġifieri [0,1) ħajja medja ponderata (WAL) ta' inqas minn sena, [1,3) WAL ta' sena jew aktar u inqas minn tliet snin, eċċ.
(*7) jiġifieri [0,1) maturità residwa ta' inqas minn sena, [1,3) maturità residwa ta' sena jew aktar u inqas minn tliet snin, eċċ.