EUR-Lex Aċċess għal-liġi tal-Unjoni Ewropea
Dan id-dokument hu mislut mis-sit web tal-EUR-Lex
Dokument 32017R1539
Regulation (EU) 2017/1539 of the European Central Bank of 25 August 2017 laying down the date of application of Regulation (EU) 2017/1538 amending Regulation (EU) 2015/534 on reporting of supervisory financial information (ECB/2017/25) to less significant supervised entities which are subject to national accounting frameworks (ECB/2017/26)
Regolament (UE) 2017/1539 tal-Bank Ċentrali Ewropew tal-25 ta’ Awwissu 2017 li jistabbilixxi d-data ta’ applikazzjoni tar-Regolament (UE) 2017/1538 li jemenda r-Regolament (UE) 2015/534 dwar ir-rapportar ta’ informazzjoni finanzjarja superviżorja (BĊE/2017/25) għal entitajiet inqas sinifikanti taħt superviżjoni li huma soġġetti għal oqfsa ta’ kontabilità nazzjonali (BĊE/2017/26)
Regolament (UE) 2017/1539 tal-Bank Ċentrali Ewropew tal-25 ta’ Awwissu 2017 li jistabbilixxi d-data ta’ applikazzjoni tar-Regolament (UE) 2017/1538 li jemenda r-Regolament (UE) 2015/534 dwar ir-rapportar ta’ informazzjoni finanzjarja superviżorja (BĊE/2017/25) għal entitajiet inqas sinifikanti taħt superviżjoni li huma soġġetti għal oqfsa ta’ kontabilità nazzjonali (BĊE/2017/26)
ĠU L 240, 19.9.2017, p. 212–213
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
Fis-seħħ
|
19.9.2017 |
MT |
Il-Ġurnal Uffiċjali tal-Unjoni Ewropea |
L 240/212 |
REGOLAMENT (UE) 2017/1539 TAL-BANK ĊENTRALI EWROPEW
tal-25 ta’ Awwissu 2017
li jistabbilixxi d-data ta’ applikazzjoni tar-Regolament (UE) 2017/1538 li jemenda r-Regolament (UE) 2015/534 dwar ir-rapportar ta’ informazzjoni finanzjarja superviżorja (BĊE/2017/25) għal entitajiet inqas sinifikanti taħt superviżjoni li huma soġġetti għal oqfsa ta’ kontabilità nazzjonali (BĊE/2017/26)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (UE) Nru 1024/2013 tal-15 ta’ Ottubru 2013 li jikkonferixxi kompiti speċifiċi lill-Bank Ċentrali Ewropew fir-rigward ta’ politiki relatati mas-superviżjoni prudenzjali ta’ istituzzjonijiet ta’ kreditu (1), u b’mod partikolari l-Artikolu 4(1) u (3), l-Artikolu 6(2), l-Artikolu 6(5)(d) u l-Artikolu 10 tiegħu,
Wara li kkunsidra r-Regolament (UE) Nru 468/2014 tal-Bank Ċentrali Ewropew tas-16 ta’ April 2014 li jistabbilixxi qafas għal kooperazzjoni fi ħdan il-Mekkaniżmu Superviżorju Uniku bejn il-Bank Ċentrali Ewropew u l-awtoritajiet nazzjonali kompetenti u ma’ awtoritajiet nazzjonali nominati (Regolament Qafas tal-MSU) (BĊE/2014/17) (2), u b’mod partikolari l-Artikolu 21(1), l-Artikolu 140 u l-Artikolu 141(1) tiegħu,
Wara li kkunsidra r-Regolament (UE) 2017/1538 tal-Bank Ċentrali Ewropew tal-25 ta’ Awwissu 2017 li jemenda r-Regolament (UE) 2015/534 dwar ir-rapportar ta’ informazzjoni finanzjarja superviżorja (BĊE/2017/25) (3), u b’mod partikolari l-Artikolu 2 tiegħu,
Billi:
|
(1) |
Ir-Regolament (UE) 2015/534 tal-Bank Ċentrali Ewropew (BĊE/2015/13) (4) jistabbilixxi rekwiżiti ta’ rapportar li jikkonċernaw l-informazzjoni finanzjarja superviżorja li għandha tiġi ppreżentata minn entitajiet taħt superviżjoni lill-awtoritajiet nazzjonali kompetenti (ANK). |
|
(2) |
Ir-Regolament (UE) 2017/1538 jippermetti lill-Bank Ċentrali Ewropew (BĊE) biex jiddeċiedi, fuq talba ta’ ANK, li japplika dak ir-Regolament għal entitajiet taħt superviżjoni inqas sinifikanti li huma soġġetti għal qafas ta’ kontabilità nazzjonali bbażat fuq id-Direttiva tal-Kunsill 86/635/KEE (5) u li huma stabbiliti fl-Istat Membru ta’ dik l-ANK mill-1 ta’ Jannar 2019 jekk il-qafas ta’ kontabilità nazzjonali ma jkunx kumpatibbli ma’ Standards Internazzjonali tar-Rapportar Finanzjarju. |
|
(3) |
Wara t-talbiet li ġew sottomessi mill-ANK lill-BĊE sas-27 ta’ Lulju 2017 u l-valutazzjoni mwettqa mill-BĊE ta’ oqfsa ta’ kontabilità nazzjonali, il-BĊE ddeċieda li japplika r-Regolament (UE) 2017/1538 għal entitajiet inqas sinifikanti taħt superviżjoni stabbiliti f’ċerti Stati Membri mill-1 ta’ Jannar 2019. |
|
(4) |
Għalhekk, regolament li jissupplimenta ir-Regolament (UE) 2017/1538] għandu jiġi adottat għal dan il-għan, skont il-proċedura tal-Artikoli 26(7) u (8) tar-Regolament (UE) Nru 1024/2013. |
ADOTTA DAN IR-REGOLAMENT:
Artikolu 1
Ir-Regolament (UE) 2017/1538 għandu japplika għal entitajiet inqas sinifikanti taħt superviżjoni li huma soġġetti għal oqfsa ta’ kontabilità nazzjonali bbażati fuq id-Direttiva 86/635/KEE u stabbiliti fil-Ġermanja jew Franza mill-1 ta’ Jannar 2019.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri skont it-Trattati.
Magħmul fi Frankfurt am Main, il-25 ta’ Awwissu 2017.
Għall-Kunsill Governattiv tal-BĊE
Il-President tal-BĊE
Mario DRAGHI
(1) ĠU L 287, 29.10.2013, p. 63.
(2) ĠU L 141, 14.5.2014, p. 1.
(3) Ara l-paġna 1 ta’ dan il-Ġurnal Uffiċjali.
(4) Regolament (UE) 2015/534 tal-Bank Ċentrali Ewropew tas-17 ta’ Marzu 2015 dwar ir-rapportar ta’ informazzjoni finanzjarja superviżorja (BĊE/2015/13) (ĠU L 86, 31.3.2015, p. 13).
(5) Direttiva tal-Kunsill 86/635/KEE tat-8 ta’ Diċembru 1986 dwar il-kontijiet annwali u l-kontijiet konsolidati ta’ banek u istituzzjonijiet finanzjarji oħrajn (ĠU Edizzjoni Speċjali bil-Malti, Kapitolu 6, Vol. 1, p. 157-173).