EUR-Lex Aċċess għal-liġi tal-Unjoni Ewropea
Dan id-dokument hu mislut mis-sit web tal-EUR-Lex
Dokument 02003D0014(01)-20090723
Decision of the European Central Bank of 7 November 2003 concerning the administration of the borrowing-and-lending operations concluded by the European Community under the medium-term financial assistance facility (ECB/2003/14) (2003/797/EC)
Test konsolidat: Id-Deċiżjoni tal-bank Ċentrali Ewropew tas-7 ta' Novembru, 2003 dwar l-amministrazzjoni ta' l-operazzjonijiet ta' self li l-Komunità ewropea kkonkludiet skond il-faċilità ta' assistenza finanzjarja ta' tul medju (ECB/2003/14) (2003/797/KE)
Id-Deċiżjoni tal-bank Ċentrali Ewropew tas-7 ta' Novembru, 2003 dwar l-amministrazzjoni ta' l-operazzjonijiet ta' self li l-Komunità ewropea kkonkludiet skond il-faċilità ta' assistenza finanzjarja ta' tul medju (ECB/2003/14) (2003/797/KE)
2003D0014 — MT — 23.07.2009 — 001.001
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
Emendat bi:
|
|
|
Il-Ġurnal Uffiċjali |
||
|
No |
page |
date |
||
|
L 190 |
11 |
22.7.2009 |
||
ID-DEĊIŻJONI TAL-BANK ĊENTRALI EWROPEW
tas-7 ta' Novembru, 2003
dwar l-amministrazzjoni ta' l-operazzjonijiet ta' self li l-Komunità ewropea kkonkludiet skond il-faċilità ta' assistenza finanzjarja ta' tul medju
(ECB/2003/14)
(2003/797/KE)
IL-KUNSILL ĠENERALI TAL-BANK ĊENTRALI EWROPEW,
Wara li kkunsidra t-Trattat li jistabbilixxi l-Komunità Ewropea, u partikolarment l-Artikolu 119 u l-Artikolu 123(2),
Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u partikolarment l-Artikolu 21.2, l-Artikolu 44 u l-ewwel subinċiż ta' l-Artikolu 47.1,
Wara li kkunsidra r-Regolament tal-Kunsill (KE) Nru. 332/2002 tat-18 ta' Frar, 2002, li jwaqqaf faċilità li tipprovdi assistenza finanzjajra ta' tul medju għall-bilanċi tal-pagamenti ta' l-Istati Membri ( 1 ) u partikolarment l-Artikolu 9,
Billi:|
(1) |
Skond l-Artikolu 123(2) tat-Trattat u l-ewwel paragrafu ta' l-Artikolu 44 ta' l-Istatut, u skond l- l-Artikolu 1(1) tad-Deċiżjoni ECB/1998/NP2 tat-23 ta' Ġunju, 1998, li għandha x'taqsam mal-ħidma tal-Bank Ċentrali Ewropew dwar ċerti xogħlijiet li ħa f'idejh mill-Istitut Monetarju Ewropew, il-Bank Ċentrali Ewropew (ECB) ħa r-responsabbiltà tax-xogħlijiet ta' l-Istitut Monetarju Ewropew (IME) imsemmi fil-ħames subinċiż ta' l-Artikolu 117(2) tat-Trattat, il-ħames subinċiż ta' l-Artikolu 4.1 u t-tielet subinċiż ta' l-Artikolu 6.1 ta' l-Istatut ta' l-IME, sa mhux aktar tard mill-ġurnata li tiġi immedjatament qabel l-ewwel ġurnata tat-tielet stadju ta' l-għaqda ekonomika u monetarja (it-tielet stadju). |
|
(2) |
Konformi mad-Deċiżjoni ECB/1998/NP15 ta' l-1 ta' Diċembru, 1998, li għandha x'taqsam mal- ħidma tal-ECB dwar ċerti funzjonijiet rigward assistenza finanzjarja ta' tul medju għall-bilanċi tal- pagamenti ta' l-Istati Membri ( 2 ), id-Deċiżjoni ta' l-IME Nru. 8/95 tat-2 ta' Mejju, 1995, li għandha x'taqsam ma' l-amministrazzjoni ta' l-operazzjonijiet ta' self li l-Komunità Ewropea kkonkludiet skond il-mekkaniżmu ta' assistenza finanzjarja ta' tul medju, baqgħet valida u kompliet tapplika sa mill-ewwel ġurnata tat-tielet stadju. |
|
(3) |
Il-funzjonijiet imsemmija fir-recital (2) kienu mwettqa abbażi ta' l-Artikolu 11 tar-Regolament tal-Kunsill (KEE) Nru. 1969/88 ta' l-24 ta' Ġunju, 1988, li jwaqqaf faċilità waħda li tipprovdi assistenza finanzjarja ta' tul medju għall-bilanċi tal-pagamenti ta' l-Istati Membri ( 3 ). |
|
(4) |
Ir-Regolament (KE) Nru 332/2002, li daħal fis-seħħ fl-24 ta' Frar, 2002, irrevoka r-Regolament (KEE) Nru 1969/88. |
|
(5) |
Skond l-Artikolu 9 tar-Regolament (KE) Nru. 332/2002, il-ECB għandu jagħmel l-arranġamenti neċessarji għall-amministrazzjoni tas-self mogħti skond il-faċilità ta' assistenza finanzjarja ta' tul medju mwaqqfa b'dan ir-Regolament. |
|
(6) |
Id-deċiżjoni preżenti li timplimenta l-Artikolu 9 tar-Regolament (KE) Nru. 332/2002 se tirrevoka d-Deċiżjoni ECB/1998/NP15. Minħabba l-fatt li x-xogħlijiet l-oħra u d-deċiżjonijiet ta' l-IME imsemmija fid-Deċiżjoni ECB/1998/NP2, ukoll mhumiex aktar validi jew applikabbli fit-tielet stadju, id-Deċiżjoni ECB/1998/NP2 tistà, għall-iskop ta' ċarezza, tiġi rrevokata wkoll, |
ADDOTTA DIN ID-DEĊIŻJONI:
Artikolu 1
Il-ECB għandu jwettaq ix-xogħlijiet stipulati fl-Artikolu 9 tar-Regolament (KE) Nru. 332/2002, bil-mod deskritt fl-Artikli 2 sa 8 li jiġu aktar 'il quddiem.
Artikolu 2
Il-ħlasijiet li għandhom x’jaqsmu mal-operazzjonijiet ta’ self tal-Komunità Ewropea għandhom isiru permezz ta’ kontijiet f’isem il-BĊE u/jew, wara li jitqiesu l-arranġamenti tas-self bejn il-Komunità Ewropea u l-Istat Membru inkwistjoni, permezz ta’ kontijiet miftuħin mal-BĊE f’isem il-bank ċentrali nazzjonali ta’ dak l-Istat Membru jew f’isem il-Kummissjoni tal-Komunitajiet Ewropej.
Artikolu 3
1. Il-fondi li jirċievi l-ECB, għall-kont tal-Komunità Ewropea, skond l-arranġamenti għas-self li tkun għamlet din ta' l-aħħar, għandhom jiġu trasferiti għall-kont indikat mill-bank ċentrali nazzjonali ta' l-Istat Membru li jirċievi s-selfa korrispondenti, fl-istess data ta' valur.
2. Il-fondi li jirċievi l-ECB, għall-kont tal-Komunità Ewropea, fir-rigward tal-ħlas tal-imgħax jew ir-rimborż tal-kapital minn Stat Membru li rċieva s-self, għandhom jigu ttrasferiti fid-data tal-iskadenza u għall-kontijiet speċifikati mill-kredituri skont l-arranġamenti ta’ self li l-Komunità Ewropea kkonkludiet.
Artikolu 4
Il-BĊE għandu jirreġistra kull operazzjoni ta’ self fil-kotba tiegħu fil-kontijiet Euro li ġejjin:
(a) kont fuq in-naħa tal-passiv għar-reġistrazzjoni ta’ fondi rċevuti għall-kont tal-Komunità Ewropea u t-trasferiment tagħhom lill-bank ċentrali nazzjonali tal-Istat Membru li jirċievi s-self korrispondenti;
(b) kont memorandum, intitolat “Il-passiv tal-Komunità Ewropea dwar operazzjonijiet ta’ self tal-Komunità Ewropea,” diviż, fejn applikabbli, f’subkontijiet li jikkorrespondu mal-kredituri individwali fir-rigward tal-arranġamenti ta’ self;
(c) kont memorandum, intitolat “Talbiet tal-Komunità Ewropea dwar operazzjonijiet ta’ self tal-Komunità Ewropea”.
Artikolu 5
Il-BĊE għandu jirreġistra l-operazzjonijiet finanzjarji deskritti fl-Artikolu 3 billi jnaqqas jew jikkredita l-kontijiet imsemmijin f’din id-Deċiżjoni, fid-data tal-valur tagħhom.
Artikolu 6
1. Il-BĊE għandu jiċċekkja d-dati tat-trasferiment u tal-iskadenzi msemmija fl-arranġamenti ta’ self għall-ħlas tal-imghax u r-rimborż tal-kapital.
2. Il-BĊE għandu jinnotifika lill-bank ċentrali nazzjonali tal-Istat Membru li jkun midjun mal-Komunità Ewropea ta’ lanqas ħmistax-il ġurnata kalendarja qabel kull data ta’ trasferiment.
Artikolu 7
Il-ECB għandu jinforma bil-miktub minnufih lill-Kummissjoni Ewropea bi kwalunkwe operazzjoni li jkun wettaq għall-kont tal-Komunità Ewropea. Il-ECB għandu jindirizza dawn il-komunikazzjonijiet għall-attenzjoni tad-Direttorat Ġenerali għall-Affarijiet Ekonomiċi u Finanzjarji fil-Kummissjoni Ewropea.
Artikolu 8
Fl-aħħar ta' kull sena kalendarja l-ECB għandu jipprepara rapport biex jinfurma lill-Kummissjoni Ewropea dwar l-operazzjonijiet finanzjarji li jkun wettaq matul is-sena u li jkollhom x'jaqsmu ma' operazzjonijiet ta' self. Dan ir-rapport għandu jinkludi rendikont tat-talbiet u l-passiv tal-Komunità Ewropea li joħorġu mill-operazzjonijiet ta' self.
Artikolu 9
Id-Deċiżjoni ECB/1998/NP2 u d-Deċiżjoni ECB/1998/NP15 huma rrevokati.
Artikolu 10
Il-Bord Eżekuttiv tal-ECB għandu jagħmel l-arranġamenti kollha neċessarji sabiex jaffettwa din id-Deċiżjoni.
Artikolu 11
Din id-Deċiżjoni għandha tidħol fis-seħħ fil-ġurnata wara l-pubblikazzjoni tagħha fil-Ġurnal Uffċjali ta' l-Unjoni Ewropea.
( 1 ) ĠU L 53, tat-23.2.2002, p. 1.
( 2 ) Ippubblikat bħala l-Anness V mad-Deċiżjoni BĊE/2000/12 ta' l-10 ta' Novembru, 2000, dwar il-pubblikazzjoni ta' ċerti atti legali u strumenti tal-Bank Ċentrali Ewropew, ĠU L 55, ta' l-24.2.2001, p. 76.
( 3 ) ĠU L 178, tat-8.7.1988, p. 1. Ir-Regolament kif emendat bl-Att dwar l-Adeżjoni ta' l-1994.